Jagjit Singh

Ye tera ghar ye mera ghar
Kisiko dekhana ho gar
To pahale ake maang le
Meri nazar teri nazar
Ye tera ghar ye mera ghar
Ye ghar bahot hasin hai

Apane hothhon par sajaana chaahata hun
A tujhe main gunaguna chaahata hun

Koi ansu tere daaman par giraakar
Bund ko moti banaana chaahata hun

Dosti jab kisi se ki jaaye
Dushmanonki bhi raay li jaaye

Maut ka zahar hai fizaaon men
Ab kahaan ja ke saans li jaaye

Bas isi soch men hun duba hua
Ye nadi kaise paar ki jaaye

Din kuchh aise guzaarata hai koi
Jaise ehasaan utaarata hai koi

Aina dekhakar tasalli hui
Hamako is ghar men jaanata hai koi

Pak gaya hai shajar pe fal shaayad
Fir se patthar uchhaalata hai koi

Khaamoshi khud apani sada ho aisa bhi ho sakata hai
Sannaata hi gunj raha ho aisa bhi ho sakata hai

Mera maazi mujhase bichhadakar kya jaane kis haal men hai
Meri tarah wo bhi tanaha ho aisa bhi ho sakata hai

Ek puraana mausam lauta, yaad bhari purawaai bhi
Aisa to kam hi hota hai wo bhi ho tanahaai bhi

Yaadon ki bauchhaaron se jab palaken bhigane lagati hai
Kitani saundhi lagati hai tab maazi ki rusawaai bhi

Kaise kaise haadase sahate rahe
Fir bhi ham jite rahe hnsate rahe

Usake a jaane ki ummiden lie
Raasta mud mud ke ham takate rahe

Waqt to guzara magar kuchh is tarah
Ham chiraagon ki tarah jalate rahe

Apana gam leke kahin aur na jaaya jaaye
Ghar men bikhari hui chizon ko sajaaya jaaye

Jin chiraagon ko hawaaon ka koi khauf nahin
Un chiraagon ko hawaaon se bachaaya jaaye

Tumane badale hamase gin gin ke lie
Hamane kya chaaha tha is din ke lie

Wasl ka din aur itana mukhtasar
Din gine jaate the is din ke lie

Wo nahin sunate hamaari kya karen
Maangate hain ham dua jinake lie

Koi mausam aisa aye
Usako apane saath jo laaye

Logon se taarif suni hai
Usase milake dekha jaaye

Aj bhi dil par bojh bahot hai
Aj bhi shaayad nind na aye